L'églîse di noss' viyèdje

 

L'èglîse di noss' viyèdje, n'èst nin çou qui s'pout dîre ine mèrvèye di bêté;
èle èst faîte à l'bone môde, avou dès brutès pîres
come a bon timps passé.

Li toûr n'èst nin fwèrt haute, èt l'coq qu'èst st-a l'copête qui r'lut come di l'ardjint n'a portant stu m'ètou qui po fé l'girouwète, qui toûne a tos lès vints.

Po pîrlôdje, quèquès plantches, qui n'ont nin stu scultêyes ni siz'lêyes fwèrt fèn'mint, mins c'èst là qu'noss'pièsse d'jète sès paroles bénèyes, èt v'dîriz vèye on saint.

Lès grands mèsses ni sont nin si bèles qu'à l'catédrale mins noss'bon vî marlî qu'èst gripé tot fîrmint à l'copète dè doksale tchante à s'rayî l'gozî.

E l'èglîse dè viyèdje, si n'a nin dèl ritchèsse, si n'a rin d'fwèrt curieûs, c'èst là qu'tot lès dimègnes on n'y va hoûter mèsse et qu'on rid'vint mèyeû.

J. Huberty (de Comblain-la-tour)

Xhoris po'v rinde chervice n° 35 - 1975